Senior citizen nalumos sa lim-aw

Dipolog City – Napalgan wa nay kinabuhi ang usa ka senior citizen human nalumos sa lim-aw duol sa ilang panimalay, sa niaging gabii diha sa may Purok Malayan, Barangay Sta. Felomina sakop ning dakbayan sa Dipolog.

Si PO2 Dexter Labisig ang duty investigator sa Dipolog PNP niila sa biktima nga si Andressa Sumalpong Carcallas, 89 anyos, kinsa gihulagway nga nawad-an sa insaktong panghunahuna gumikan sa pangidaron niini.

Subay sa gihimong imbistigasyon ni PO2 Labisig sa dapit nahitaboan nasayaran pasado alas 6:00 sa gabii tulog kining biktima nga gibyaan sa anak niining babaye nga si Nellie Carcarllas kinsa nitambong og vigil sa gihaya nilang parente didto sa St. Peter.


Mga alas 7:30 sa gabii ang apo sa biktima nga si Arande Duhaylungsod, nauli og nakabantay sa apohan nga wala na diha sa gikatulgang kwarto hinongdan iyang gipangita.

Dapit na alas 10:00 sa gabii napalgan nila ang biktima nga nagkulob sa lim-aw nga puno sa Water lily ug wa nay kinabuhi.

Sumala pa ni PO2 Labisig way nakitang Foul play sa hitabo kon diin pagkalumos ang gikamatyan sa biktima.

Facebook Comments