Senior Citizen nga nagtabok sa dalan patay, matapos nga nabungguan sang pick-up.

13

Patay ang isa ka senior citizen, matapos nga nabungguan sang isa ka unit sang Mitsubishi Strada pick-up sa Sitio Pula, Brgy. Tubi-ala, Surallah, South Cotabato, alas 7:40 sang gab-i, Pebrero 13, 2021.
Ginkilala ang biktima kay Rudy Tubongbanua Amigos, 73 -anyos, balo kag residente sang Sitio Pula, Brgy. Tubi-ala, Surallah, South Cotabato.
Sa imbestigasyon sang Surallah MPS ang Mitsubishi Strada pick-up nga ginamaneho ni Anthony Judilla Dajay, 30-anyos, upod ang asawa sini nga pareho residente sang Brgy. Buenavista, Surallah, South Cotabato ang halin sa Koronadal City padulong sa nasambit nga banwa, apang pag-abot sa nasambit nga lugar ,aksidente sini nga nabungguan ang senior citizen nga nagtabok sa provincial road.
May-angot sini, nakaangkon sang seryoso nga injuries ang biktima nga gilayon man nga gindala sa Javelosa Hospital, apang gindeklarar nga dead on arrival sang attending physician.
Ang driver kag ang salakyan ang gindala sa Surallah MPS para sa nagakaigo nga disposisyon.

Facebook Comments