Senior citizen nga negosyante gitulis

32

Molave, Zamboanga del Sur – Naglusad na og hot pursuit operation ang kapulisan sa lungsod sa Molave batok sa mga suspetsado nga nitulis sa usa ka tiguwang nga negosyante ug driver niini sa Mabini ug Quezon Streets sa sentrong bahin sa Molave alas 6:35 sa gabii.
Giila ang biktima nga so Roly Buenaventura Navarro, 35 -anyos, salesboy sa Evinrude Marketing ug Felipe Mina Son, 76 -anyos, tag-iya sa Evinrude Marketing, residente sa Brgy. Madasigon, Molave, Zamboanga del Sur.
Samtang sakay matud pa gipanag-iyahan nga tricycle ang negosyante kauban ang trabahante niini kalit nga nibutho ang duha ka suspek nga sakay sa XRM ug nipara dungan sa paghulbot sa Caliber .45 nga pistola dayon sa pagdeklara og tulis.
Nakuha sa tulisan ang bag nga dunay sulod nga 25,000 pesos , cellphone, tambal ug booklet sa Senior Citizen.
Human sa hitabo daling nisibat ang mga suspek paingon sa Barangay Sudlon ug Maloloy-on, sa Molave, Zamboanga del Sur.

Facebook Comments

From Advertisers