pc: RadyoMaN Judy Etom
Patay ang usa ka Senior Citizen human kini nabangga-an sa naghaguros nga Hi-ace Van bandang alas 7:45 ang takna kagabie sa may barangay Kiwalan ning syudad sa Iligan.
Biktima nailang si Ramonito Abadilla, 64 anyos ug residente sa Malingao, Tubod Lanao del Norte.
Matud pa, nga samtang patabok ang maong biktima aron mupalit sa tindahan, kalit kining gibangga-an sa kusog nga padagan nga sakyanan.
Gilayong nakabsan sa kinabuhi ang maong biktima human kini naka angkon ug dakong kadaot sa kalawasan niini.
Dali usab nga nahold sa may Mandulog checkpoint ang maong van samtang anaa na sa kapulisan ang driver niini.
Ang patayng lawas sa biktima anaa karon gidala sa may Mary Venus funeral parlor sa may acmac ning dakbayan sa Iligan.
