Senior Citizen patay, matapos bun-on.

13

Patay ang isa ka senior citizen, matapos nga bun-on sa Purok Mabuhay, Brgy. Rizal-3, Banga, South Cotabato alas 12:45 kahapon nga adlaw, Pebrero 18, 2021.
Sa imbestigasyon sang Banga MPS ginkilala ang suspek kay Arnel Quinton Pasadilla alias “Bobong Ma-oy”, 54 –anyos, mangunguma kag residente sang Purok Pag-asa, Brgy. Rizal3, Banga, South Cotabato nga nagbuno sa biktima nga si Joel Gumboc Quinton, 60 –anyos, single kag residente sang Purok Mabuhay, Brgy. Rizal-3, sa nasambit nga banwa gamit ang kitchen knife.
Base sa pahayag ni Bibiano Ramirez Cabrera nagainom-inom sila nga tatlo sang may nagluntad nga mainit nga argumento sa tunga sang suspek kag biktima nga nangin tunaan sang pagpamuno.
Gilayon naman nga gindala sa Parcon Hospital ang biktima, apang ginsaylo man sa Norala District Hospital para sa dugang nga medikasyon apang gindeklarar nga patay sang attending physician 1:45 sang hapon.
Naaresto naman ang suspek sa ginpatigayon nga hot pursuit operation. Magapangatubang naman sang nagakaigo nga kaso ang suspek.
Madugay na nga wala pag-intindihanay sang duha ang nakit-an nga motibo sang kapolisan sa nasambit nga krimen.

Facebook Comments