Senior dakpan sa 4Ps ‘scam’

Davao City – Giindosar sa Sasa PNP ang usa ka senior citizen nga migamit sa programa sa Department of Social Welfare and Development (DSWD) sa iyang pagpangilad.

Human wala nakapakita og authorization document si Anatasio Jambo, 62 anyos ug nanimuyo sa Bajada.

Pakyas si Jambo pagpresentar og dokumento isip pagpamatuod nga aduna kini katungod mag recruit og mga tawo para sa programa sa DSWD.


Gipatuo ni Jambo ang mga tawo sa kilometer 12 Sasa nga adunay financial scheme program ang gobyerno pinaagi sa DSWD hulip sa Pantawid Pamilyang Pilipino Program kun 4Ps.

Suma ni Shiela Mae Oconer, Social Worker sa DSWD nga sukad pa niadtong Nobyembre 8 aning tuiga nagsugod sa modus ang suspek.

Nagpatabang si Oconer kang Sasa Kagawad Jose Tiaga dihang gisita ang suspek ug dayon giduso sa Sasa PNP alang sa dugang disposition.

Modus sa suspek mao ang pagrecuit og mga tawo ug dayon pangayuan og bayad alang sa ID processing.

RadyoMaN Joel Viray

Facebook Comments