Davao City – Bun-og ug samad ang naangkon sa usa ka lolo human giposposan gamit ang tubo nga bakal nahitabo ala 1:30 sa hapon didto sa may Barangay Paciano Bangoy siyudad sa Davao.
Basi sa Blotter Sta Ana PNP, naila ang biktima nga mao si Alfredo Lumanas, 56 anyos samtang ang suspek mao si Carmelito Del Socorro, 69 anyos parehong nagpuyo sa nasangpit nga lugar.
Matud pa samtang kining biktima didto sa nahisgutang lugar kalit kini giduol sa suspek dayon og bunal tumong sa lawas resulta pagkasamad sa walang bukton nga bahin.
Midagan pa ang suspek padulong sa ilang balay aron pagkuha og sundang ug nanghulga sa biktima maayo na lang daling girispondehan sa kapolisan ug gipangsikop ang duruha.
Sa karon padayon pa gitambalan sa Southern Philippines Medical Center si Lumanas ug naghulat nalang ang kapolisan kung mufile ba og kaso kining biktima batok sa suspetsado.
RadyoMaN Don Pulayao
