Serca ya resolve

Encamino ya el maga pulis para el resolvida del caso de matansa del un mujer adentro del LM Hotel despues ya puede sila saca cuantos evidencia donde ta enseƱa con el possible hechor del crimen.
El RMN Zamboanga ya obtene cuantos informacion donde el maga pulis del Tetuan ta considera como person of interest el nobyo del victim si Earl Grace Banggulan Riggs, 26, de Upper Calarian donde asegun ele el ultimo persona junto con el victim adentro del pusento number 336.
Asegun con el pulis del otro dia si until Elsa el amiga di Riggs amo el yan check-in na mencionao hotel y junto estos ya esta na pusento pate el victim.
Del Octobre 24 banda alas 5 del aga yah ace pa hatud canda Riggs y su nobyo con Elsa pa salida na hotel.
Pero del Webes serca man medio dia ya descobri ya lang con Riggs muerto con un tupada de bala na su carillo mientras sintao na silya.
Asegun con el pulis el momento completa sila el evidencia con el nobyo di Riggs dayun sila ay planta el caso de murder na corte.

Facebook Comments