Serkulasyon sa droga sa Gensan, nigamay na

48

General Santos City–Dako ang pagkunhod sa serkulasyon sa iligal nga droga sa syudad sa Gensan mao kini ang nahimong pagbutyag ni Police Major Ruelito Lumiguid ang labaw sa city police drug enforcement unit sa general santos city police office.

Sumala pa ni Major Lumiguid nga basi sa ilahang na obserbahan mas nagagamay na ang naga lambigit sa iligal nga droga sa syudad tungod sa hugot nga operasyon sa kapulisan uban ang PDEA 12 batok sa iligal nga droga.


Saysay pa niini nga sa ilahang mga operasyon ilahang na matikdan nga kadaghanan nila nga madakpan nga adunay dala dagkong kantidad sa iligal nga droga ang gikan sa kasigbit nga mga lugar.

Dugang pa ni Major Luiguid nga nga ang pagkasikop sa mga dayo nga dunay dalang dakong kantidad sa iligal nga droga ang pasabot nga ginagmay nalang ang naga libot sa syudad hinungdan nga ginasulod na kini ug mga dayo.

Samtang nanawagan man usab si Lumiguid sa katawhan nga tabangan sila sa ilahang kampanya batok sa iligal nga droga aron nga malimpyo na ang syudad sa pagkuyanap sa iligal nga droga.

Dugang pa niini tungod sa impormasyon nga ginapaabot kanila sa mga sibilyan daghang mga naga payuhotan ug iligal nga droga ang ilahang nadakpan.(Dave Silagan)

Facebook Comments