SERYE IT PANAKAWAN SA BORACAY MAIDI-ID NGA GINA IMBESTIGAHAN

Kalibo, Aklan – Maid-id makaron nga gina imbestigahan it Metro Boracay Police Task Force MBPTF ro serye it panakawan sa isla it Boracay.
Suno kay PSupt. Ryan Manongdo, hepe it nasambit nga task force, umpisa nga ging sirado ro isla sa mga turista sa sueod it 6 nga buean halin April 26, 2018, may nairekord sandang 8 ka insidente it panakawan.
Ginapatihan ni PSupt. Manongdo, nga mga menor de edad nga inbolbado man dati sa mga panakawan sa Boracay ro may kahimu-an kara. Bangud suno kana, ro sistema it pagpanakaw hay kapareho gid ko gina obra it mga suspek ko nagtaliwan nandang operasyon nga gina guba anay ro tindahan bago takawan.
Sa makaron suno kay PSupt. Manongdo, una eon sanda sa estado it pag kaeap it kongkretong ebidensiya para mapasakaan it kaso ro mga suspek .