‘Sex-for-freedom’ gikasagmuyo

Davao City – Dismayado ang Davao City Police Office (DCPO) tungod sa gibuhat sa pipila ka daut nga mga pulis sa Metro Manila diin mokariyo kini’g pabor sama sa pakig-hilawas sa madakpan o dili ba kaha sa anak sa masikop sa mga krimen bugti sa pag-atras sa kaso sama sa droga.

Matud ni DCPO Spokesperson Police Chief Inspector Catherine Dela Rey, nakadaut sa imahe sa kapulisan ang ‘sex-for-freedom’ scheme kun ‘palit-puri’ modus operandi sa mga scalawag nga mga pulis sa kaulohan

Segun ni Dela Rey, naningkamot ang pamunuan sa PNP nga mo-improbar ang imahe sa mga pulis aron makuha ang pagsalig sa publiko apan ginaguba lamang sa pipila ka dautang otoridad.


Matud pa ni Dela Rey nga usa ka matang kini sa mangilngig nga krimen diin angay lamang sila masilotan ug mataktak sa serbisyo.

Dugang pa sa tigpamaba nga matag buntag, gipasidan-an ang mga pulis sa siyudad nga likayan ang salawayon nga buhat.

Dugang ni Dela Rey nga dinhi sa dakbayan, walay ni usa ka pulis nagbinuang ug gani sagad sa mga nahilambigit nasang-atan na og kasong administratibo ug kriminal ug nataktak na usab ang uban sa pangatungdanan.

RadyoMaN Joel Viray

Facebook Comments