SGMA, NAG-INSPECTION SA ILOILO FLOOD CONTROL PROJECT

Nagpatigayon sang inspeksyon si House Speaker Gloria Macapagal Arroyo sa Iloilo flood control project sa Barangay Buhang, Jaro Iloilo City.
Kaupod ni SGMA nga nag-inspeksyon sanday Iloilo Governor Arthur Defensor, Iloilo City Congressman Jerry Trenas, DPWH kag mga opisyal sang barangay.

Ang 5.5 Billion pesos nga Iloilo flood control project ginabug-usan sang pagpatindog sang Jaro Floodway, pagpauswag sang Tigum kag Aganan Rivers.

Nalakip man sa proyekto ang pag-improbar sang Jaro River mouth, Iloilo River kag Upper Ingore Creek.


Ang kabilogan nga proyekto natapos sang 2011.

Suno kay Speaker Arroyo magapatawag siya sang House Oversight Committee Hearing kon sa diin tawgon niya ang flood control director sang Department of Public Works and Highways kag ang district engineer sang Iloilo City agud maghatag sang estado sang flood control kag hibaluon ko ano ang gilayon nga himuon sa proyekto.

Sa medium term himuan ini sang engineering plan nga isumiti sa DPWH.

Si Arroyo nagalibot sa bug-os nga pungsod agud kadtuan ang iya mga paborito nga mga proyekto sa panahon sang siya pa ang Presidente, kag agud masiguro nga ginpatuman ini sing maayo.

Ang flood control project ginpatuman niya sang siya ang Presidente sang 2006.

Facebook Comments