Nagduda ang direktor sa Police Regional Office-7 nga gikan sa nakalusot nga magnetic lifter sa Bureau of Customs didto sa kaulohan ang dakung kantidad sa shabu nga nasakmit sa kapolisan sa kapolisan sa dakbayan sa Sugbu
Matud ni PRO-7 Director Chief Supt. Debold Sinas makig-alayon sila sa Philippine Drug Enforcement Agency-7 aron matino ang tinubdan sa kinilo nga drugas nga nasakmit sa buy bust operation sa Guadalupe Police Station nga moabot ug kapin sa P41 milyon.
Ang direktor sa PDEA-7 nga si Atty. Wardley Getalla nibutyag nga gihuwat nila ang resulta sa imbistigasyon sa Cebu City Police Office sa nasakmit nga 3.8 kilos nga shabu.
Sa gihimong imbistigasyon moabot gyud ug 10 kilos ang shabu nga anaa sa posisyon sa mga dinakpan nga sila si Michael Carabaña ug Jemuel Enrile apan dul-an na lang sa upat ka kilo ang nakuha sa kapolisan atol sa operasyon.
Ang laing 6 kilos nga shabu nabaligya na ug maoy pangitaon karon sa kapolisan base base sa impormasyon nga makuha gikan sa ilang mga dinakpan.
