Gidudahang shabu ug party drugs o “ecstacy” lakip sa nasakmit atol sa kinalit nga greyhound operation sa Cebu Provincial Detention and Rehabilitation Center kon CPDRC.
Ang inspection hiniusang gihimo sa Police Regional Office-7,Cebu Provincial Police Office, Cebu City Police Office , Philippine Drug Enforcement Agency-7 ug ubang ahensiya.
Sa pagsiksik sa 121 ka mga selda sa CPDRC nakuha ang gidudahang shabu, party drugs, marijuana ,mga cellphones, improvised nga hinagiban ug ubang ilegal nga mga butang.
Apan inay mahimong tensiyonado nalingaw ang dul-an sa 4,000 ka inmates sa CPDRC tungod kay samtang nagpadayon ang inspeksiyon sa ilang mga selda, ang mga inmates nga diha sa quadrangle, gilingaw ug “live band” sa PRO-7.
Susihon pa sa laboratoryo kung party drugs ba gyud ang nakuha nga mga tableta sa bilangguan.
