SHOOT-OUT | Pagserbe sang warrant of arrest sa Cauayan nagresulta sa shoot-out

16980

CAUAYAN, NEGROS OCCIDENTAL – (1st Update) Ginalaalegar duha ka katapo sang CIDG nga maga serbe kuntani warrant of arrest sa isa ka national level most wanted person ang nasamaran sa natabo nga shoot-out sini gid lamang nga kaagahon sa Sitio Matab-ang, Brgy. Masaling, banwa sang Cauayan.

Base sa inisyal nga pagpangusisa, pasado las 4 sini gid lamang nga kaagahon, ang mga katapo sang Criminal Investigation and Detection Group – CIDG ang buot kuntani nga mag serbe sang warrant of arrest sa Had. Isabel sa amo nga lugar.

Apang, suno sa report, nagbato ang mga gwardiya sang amo nga hacienda gani may natabo nga pagbayluhanay sang luthang sa tunga sang mga katapo sang CIDG kag sang mga security guard.

Apat naman sa ila ang pilason nga ara subong sa Holy Mother of Mercy Hospital sa Kabankalan City.

Ini amu sanday Cris Jun Taquiso, 31 years old, single sang Hda. Isabel, Sitio Matab-ang, Brgy. Masaling; Rayming Melocoton, 29 years old, married sang Sitio Dapdap, Brgy. Lantad, Silay City; Romy Taquiso, 35 years old, married sang Brgy. Caliling, Cauayan kag Lucino Demol Sr., 50 years old, married sang Brgy. Caliling.

Ginapahayag nga narecover sa scene of the crime ang isa ka shotgun kag isa ka granada./dyHB BACOLOD

Facebook Comments