Gipahigayon sa Misamis Oriental Provincial Police Office o PPO ang shootfest niadtong Sabado ug Dominggo sa ilang provincial headquarters firing range sa Villanueva, Misamis Oriental.
Matud ni Police Sr. Insp. Arlyne Ranario, Public Information Officer sa Misamis Oriental PPO nga ang kalihukan gitawag og Provincial Director’s Cup Quarterly Markmanship and Proficiency Training
Gibutyag ni Police Sr. Insp. Ranario nga ang kalihukan gisalmotan sa mga pulis gikan sa lain-laing munisipyo ug syudad sa lalawigan.
Gidugang ni Ranario nga nikabat sa 28 ka teams ang nisalmot sa team relay ug dunay 71 ka participants alang sa individual and regular match.
Tumong sa shootfest nga makamugna og camaraderie, sportsmanship ug close ties sulod sa pwersa sa kapulisan ingonman makadevelop sa self control ug disiplina nga importante sa paghimo sa mga police operations.
Atol sa maong kalihukan, gihimo usab ang pagturn-over sa mga office equipment nga gidonar ni Misamis Oriental Governor Bambi Emano.
