Davao City – Giklaro sa Tagum City Police Office nga dili konektado sa rape case ang gipusil-patay nga duha ka lalaki sa Tagum City, Davao del Norte.
Sa pakighinabi sa DXDC RMN Davao kang Tagum City Police Office spokesperson Senior Inspector Anjanette Tirador, iyang giklaro nga kagahapong adlawa nahitabo ang shooting incident sa Tagum apan dili kini mao ang mga suspek sa gituuhang paglugos-patay sa dos anyos nga bata sa nasangpit nga lugar.
Kini subay sa mga hungingong nga ang gipusil mao kuno ang mipatay sa bata apan sumala ni Tirador lahi kadto siya nga kaso ug sumala pa personal nga motibo ang ginalantaw sa kapulisan sa pagpusil sa biktima.
Sa karon, nagpadayon pa ang kapulisan sa Tagum sa ilang imbestigasyon sa managlahing krimen sa maong lugar.
RadyoMaN Renz Barbarona
