Davao City – Nagapadayon karon ang pagpangayo og amnestiya sa mga residente sa Shrine Hills bahin sa ilang mulo nga pagtugot kanila nga mugamit sa 50% sa ilang luna inay sa 25% lamang subay sa Zoning Ordinance sa lokal nga panggamhanan.
Sumala ni Nelson Go, miyembro sa Shrine Hills Landowners Association (SHLA), dakung katingala nila nganong wala sila nasayod sa maong ordinansa ug nasayran lamang kini human nag-apply sa panggamhanan og Building Permit aron iimprobar ang ilang panimalay.
“Among katingalahan is it was implemented 2013 nga ‘No Build Zone,’ Interventions, Inc. na ang Shrine Hills nga wala mi kabalo. We were not given the appropriate building permits. We were surprised and those are titled properties,” segun niini.
Sa pakighinabi kang Interface Development Incenstions, Inc (IDI) Program Director Atty. Mark Peñalver, gipasabot niini nga limitado lang sa 25% ang pwedeng i-develop sa ilang luna samtang ang nahibiling 75% alang sa greening program.
Dugang pa sa magbabalaud, adunay mga kwalipikasyon aron makapatindog og imprastraktura sa maong lugar sama sa pagtransfer sa titulo sa yuta una nag 2013, naangkon ang panimalay pinaagi sa hereditary succession, kung walay laing propriyedad nga pwedeng patindugan og panimalay ug kung dili kini sakop sa danger zone.
Gani, padayon ang hearing didto sa Konseho aron matubag ang maong hisgutanan.
Kahinumdoman nga gideklara ang Shrine Hills isip Urban Ecological Enhancement Sub-Zone (UEESZ) niadtong tuig 2013.
RadyoMaN Jason Amisola
