Siayan, ZDN-Ang National Bureau Of Investigation (NBI) mipasaka og kasong criminal batok ni Mayor Flora Villarosa ug laing tulo pa ngadto sa Deaprtment of Justice (DOJ) tungod kay matud pa ang gialegar sa pagpatay ug pag sunog sa balay sa tawong nakabangi niini tungod sa away sa yuta didto sa lungsod sa Siayan, Zamboanga del norte.
Sa maong reklamo ang NBI nag rekomendar nga si Sila si Mayor Flora Villarosa sa lungsod sa Siayan, Ernie Lumocso, Chief Security Aide sa mayor nga si Roy Maronse Balayong ang gitudlo alang sa kasong pagpatay ug pagsunog sa balay sa biktimang si Restituto Sasuman tungod sa matud pa pagdumili pag hawa sa yuta diin natukod ang iyang balay u gang maong luna gi donar na kini sa kagamhanang lokal sa Siayan.
Ang NBI-Death Investigation Division usab ang nagkanayon nga ang maong kaso nasang-at pinasikad sa mga pamahayag gikan sa asawa ni Sasuman nga si Teodolfa, igsoon sa asawa sa biktima nga si Addricula ug ang pag umangkon niini nga si Elbert.
Apan diha-diha, ang mipalig-on gayud sa maong kaso mao ang pagbutyag sa duha ka akusado nga sila si Lumocso ug ni Balayong tungod sa personal nga pag-angkon niini diha sa pinirmahan nga gipanumpaang salaysay nga matud pa “kaniadtong nakalabay’ng Setyembre 15, 2016, ang duha miadto sa birthing clinic room, diin nahimutang usab ang panimalay ni Sasuman alang sa pagpahigayon ug usa ka surveillance sa biktima.
Ang duruha miangkon nga sila ang nagsunog sa balay ni Sasuman ug pagpatay niini didto sa spillway sa Polayo, Siayan ug didto usab nila kini giluba hangtud nga nakutloan ang biktima sa iyang kinabuhi.
Hinuon, sa wala pa an gang krimen, matud pa sa NBI-DID nga usa ka Carlo Plasos ang misang-at sa kaso nga Forcible entry with temporary restraining order and premilininary injunction batok kang Villarosa, proceso Benlot ug Myrna Benlot kaniadtong Peb. 13, 2012 sa maong yuta.diha sa reklamo nagkanayon nga si Susaman mi alegar nga sa P*e*brero 2, 2012 si Villarosa uban kang Proceso ug Myrna pugos nga misulod sa iyang luna ug giguba ang iyang balay pinaagi sa usa ka heavy equipment nga gipanag-iyahan sa munisipyo.
Si Sasuman usab mi butyag nga 40 anyos na silang nagpuyo sa maong luna apan bisan pa niini nga rason wala kini paminawa nga sinumbong uban sa pag-ingon nga ang maong luna gipanag-iyahan sa pamilyang Benlot diin usab ang maong propiedad gidonar na ngadto sa munisipyo.
Tungod niini si Mayor Villarosa ang hugtanong nanghimakak usab sa mga alegasyon batok kaniya ug seryoso usab kining motubag ug atubangon ang mga alegasyon diha sa korte aron usab malimpyohan ang iyang kaugalingon.
