Sibayan Elementary School sa Baan gilungkab

278

Gilungkab sa wala mailang mga kawatan ang Sibayan Elementary School sa brgy. Baan Km3 ning syudad sa Butuan.
Sa maong insidenti mokabat sa kapin 100,000 pesos ang kantidad sa mga butang nga nadala sa mga kawatan gikan sa Principal’s Office nga gilangkuban sa Computer sets, Net book, Laptop ug Portable Sound System.
Nadiskobrehan nalang bandang alas 6 sa buntag kagahapon nga naguba na ang pultahan sa Principal’s Office, timaan nga pugsanong gisulod kini sa mga suspetsado.
Padayon pa’ng giimbistigahan sa Police Station 1 ang insidenti aron masayran ug madakpan ang mga suspetsado.
Nanawagan ang kwerpo sa kapulisan ngadto sa mga katawhan nga dili magpasagad ug palit kung adunay ibaligya nga barato’ng computer, net book, laptop ug portable sound system tungod kay possible kining kinawat aron dili maigu sa Anti-fencing law.
[image: Sibayan.jpg]

Facebook Comments

From Advertisers