SIGNING OFF | Governor Tony del Rosario, iga-enjoy ang pribado nga kabuhi kag magabawi sang tiyempo sa pamilya kadungan sang pagretiro sa pulitika!

23

Roxas City, Capiz – Iga-enjoy ni outgoing Capiz Governor Tony del Rosario ang pribado nga pagkabuhi sa iya pagpanaog sa puwesto bilang gobernador sang probinsya sang Capiz. Suno diri nga sa sulod sang kapin sa 47 ka tuig bilang isa ka public servant kag ini na ang maga “sign off” sa pulitika, mas madamo siya sang inoras agud nga buhaton ang iya nakahiligan. Isa na diri amo ang pagpananum kag pag-atinder sa iya mga apo agud nga makabawi sang mga inoras nga iya anay ginsakripisyo sa iya pamilya. Ginpabugal sini nga sa sulod sang tatlo ka tuig nga pagpungko sini bilang gobernador, natigayon sini nga matutokan ang ikaayong lawas sang publiko pinaagi sa paghatag sang pondo sa mga ospital. Nangin prayoridad man sang iya administrasyon ang social services kun sa diin mas nangin mahupos sa mga nagapangayo sang bulig ang pag-avail sang financial assistance halin sa gobyerno partikular ang educational, hospital kag burial assistance.
photo(c)- CANC

Facebook Comments

From Advertisers