South Cotabato—Dakpan ang tulo ka wanted atol sa gihimong managlahing operasyon sa kapulisan sa probinsya sa South Cotabato.
Unang nasikop ang suspek nga si Bob Panes, 40, residente sa Barangay Cannery Site, Polomolok, South Cotabato. Si Panes ang no. 10 most wanted person sa lungsod sa TBoli gumikan sa kasong kalapasan sa Republic Act 7610 (Protection Against Child Abuse, Exploitation and Discrimination).
Sunod nga nasikop si Dante Ala, 46, sa gilusad nga operasyon sa Lake Sebu gumikan sa kasong Attempted Murder ug natala isip no. 6 most wanted person sa maong lungsod.
Sikop usab si Efren Padrones, 46, minyo nga taga Surallah South Cotabato, nadakpan ang nasangpit gumikan sa kasong rape. Sa karon commitment order nalang ang gihuwat aron nga mabalhin na ang mga dinakpan ngadto sa South Cotabato Provincial Jail.
