Plastado na ang security plan nga ipatuman sa Police Station 3 alang sa umaabot nga Kahimonan Festival, karong Enero 21 ning tuiga atol sa ka Fiestahan ni Sr. Sto. Niño sa brgy. Libertad ning syudad sa Butuan.
Dagsaon sa liboan nga katawhan nga gikan pa sa nagkadaiyang lugar ang sadya nga Festival mao’ng mga force multipliers ang kwerpo sa kapulisan aron mobantay sa seguridad sa entero kasaulogan.
Makatutuk ang kapulisan sa seguridad sa palibot ug sa dagan sa trapiko diha sa JC Aquino Avenue ilabina sa panahon sa street dancing.
Bisan ug adunay kapulisan nga magbantay apan nanawagan si PCI Renato Badajos, ang station commander sa Police Station 3 ngadto sa mga katawhan nga magbantay usab sa kaugalingon batok sa mga dautang elemento.
Facebook Comments
