Siguridad sa PRO12 sa may 2019 election, han-ay na

17

*General Santos City— Han-ay na ang ipatumang siguridad sa Police Regional Office 12 alang umabaot nga midterm election sa Mayo 13. Kini ang gibutyag ni Police Lt. Col. Aldrin Gonzales, tigpamaba sa Police Regional Office 12.*

*Sumala niya nga dungan sa gihimong preparasyon sa plebesito sa Cotabato ug North Cotabato, gihimo usab ang security plans alang sa midterm election.*

*Nahisgutan na matud pa sa kapulisan, militar, COMELEC ug uban pang ahensya ang ipatumang siguridad ug wala kini kalahian sa gipatuman sa plebesito sa Bangsamoro Organic Law.*

*Dugang pamahayag ni Police Lt. Col. Gonzales nga sa karon wala pa silay ginakonsidera nga hostspot sa rehiyon 12 apan aduna na silay mga gina-monitor.*

*Hilabina na matud pa ang lugar nga adunay mga kaagi na sa kagubot panahon sa eleksyon ug adunay init nga away sa pulitika.*
*Gawas sa init nga away sa pulitika, ilaha usab ginapakusgan ang pag-monitor sa presensya sa mga private armed group ug managlahing local threat group.*

*Kalabot niini usa matud pa sa hugot nilang ginamonitor mao ang syudad sa cotabato gumikan sa nit nga away sa pulitika ug ang nahitabong pagpamomba milabay’ng tuig *

*Saysay pa ni Police Lt. Col. Gonzales nga padayon ang ilahang ginahimong koordinasyon sa ubang unit sama sa militar ug sa kumyunidad mismo aron nga mabatukan ang unsa mang insidente hilabina nga nagasugod na ang kampanya.*

Facebook Comments