Siguridad sa Tuna festival mas gipahugtan human ang pagkasikop sa duha ka financier sa BIFF

21

*General Santos City– Padayon ang intelligence monitoring nga ginahimo sa kapulisan sa dakbayan batok sa mga teroristang grupo ug mga grupong bahad sa siguridad.*

*Sumala kang Pol. Col. Aden Lagradante, City Director sa Gensan City Police Office nga gawas sa intelligence unit sa GSCPO, kaabag nila ang uban apng inteliigence unit sa rehiyon aron nga masiguro nga dili makahimo ug kasamok ang mga nahisgutan sulod sa ilahang area of responsibility.*


*Pagpaklaro niya nga kanunay ang ginahimo nga intel-**fusion** sa tanang law enforcement unit aron nga maka-mugna ug mas kusog nga intelligence force.*

*Dugang pamahayag ni Pol. Col. Lagradante nga gawas sa intelligence monitoring ilaha pang mas ginapakusgan ang pagbantay sa siguridad pinaagi sa mas gipahugtang police visibility.*

*Saysay niya nga gumikan sa mga bahad sa siguridad, ilaha karon mas ginapahugtan ang pagbantay sa tuna festival gumikan ginalauman ang ubay-ubay nga mga bisita ug turistang mangabot.*

*Busa isip labaw sa kapulisan, iyahang gina-awhag ang katawhan nga tabangan sila s apagbantay sa siguridad pinaagi sa pagpakabana ug paghatag ug impormasyon ngadto sa otoridad kabahin sa mga makadudahang butang o tawo sa palibot.*

Facebook Comments

From Advertisers