Sikad driver misukol sa tulisan-samdan

88

General Santos—samdan ang usa ka sikad driver human kining gidunggab sa ug buak nga botelya sa duha ka mga tulisan nga nagpakarong-ingnong pasahero alas 7:00 ang takna sa gabie atubangan sa MSU College, Barangay Fatima Gensan.
Ang biktima nailhang si John Mark Yu, 38, residenti sa Labos, Barangay Fatima ning syudad.
Sa inisyal nga imbistigasyon sa Fatima Police Station nasayran nga duha ka tawo ang misakay sa sikad sa nahisgutang biktima gikan sa ilang tornohan atubangan sa Police Station 5 kansa magpahatud unta sa 39. 2 Fatima.
Ang maong mga tawo dunay bitbit matud pa nga botelya sa ilimnong makahubog, pag abot sa ngitngit nga dapit atubangan sa MSU College, didto na gibuak sa mga suspek ang botelyang ilang bitbit dayon mideklara ug tulis.
Misukol ang biktima sa mga nahisgutan apan wala gyud kini nahimo gumikan duha ang iyang kalaban. Nakaangkon kini ug samad dinunggaban sa lawas samtang nakuha usab sa mga suspek ang kwarta niini nga P700.00.
Paspas nga misibat ang mga nahisgutan samtang ang biktima nakahimo pag pangayog tabang sa mga residenti sa lugar aron siya madala sa balay tambalanan.
Sa karon nagpadayon pa ang gihimong imbistigasyon sa kapulisan kalabutan sa insidenti, samtang ginaila pa usab ang mga suspek sa maong krimen.

Facebook Comments