Sikad Driver patay samtang 3 angol human nga gibangga sa SUV

General Santos Dead on arrival sa balay tambalanan ang sikad driver nga si Leoter Bacutan Manguray, 41 anyos samtang samdan usab nga nadala sa ospital ang tulo niini pasahero nga silang Rolan Caballero, 45 anyos, nga taga Midsayap North Cotabato , John Michael Manguray, 11 anyos og si John Loyd Bacutan, 13 anyos, nga pulos resisdente sa New Bayanihan Brgy.Fatima ning dakbayan human nga mabangaan sila ug usa ka Suv.

Sumala pa ni Po3 Rolan Pastolero nga samtang gasundanay ang duha ka sakyanan og nag una ang sikad padulong sa area sa Fatima pag abot sa usa ka establisemento kalit lamang kining gibanggaan sa usa ka Suv nga gimanehoan ni Abdul Carim Mamongcara, 18 anyos, nga taga Salvani St. City Heights Gensan.Gikan matud pa nga nasampit nga drayber sa usa ka ilimnanan sa Barangay Calumpang,.

Tungod sa kakusog sa dagan sa maong sakyanan nalagpot sa kilid sa dalan ang sikad og nabanggaan niini ang poste hinungdan nga nabulag ang motor sa iyang sidecar nga miresulta sa kamatayon sa biktima.


Samtang anaa na sa kustodiya sa Police Station 7 ang driver sa SUV og ginahulat na lamang sa buhatan sa TMU ang pamilya sa biktima aron mapasakaan og kasong reckless imprudence resulting to homicide, multiple physical injury og damage property ang naasoyng drayber.

Dugang pagbutyag ni po3 Pastolero nga anaa sa impluwensiya sa ilimnong makahubog ang naasoyng drayber samtang gamaneho kini sa sakyanan nga maoy hinungdan nga wala niya nakit an ang sikad og iya kining nabanggaan nga miresulta sa pagkamatay sa drayber og pag kaangol sa tulo niini ka pasahero.

Facebook Comments