General Santos City—Himas rihas na ang usa ka Mag-uuma human nga nadakpan sa kapulisan nga nagdala-dala ug kutsilyo samtang hubog sa may Purok Masagana, Barangay Baluan, Gensan alas 8:00 ang takna kagabie.
Suspek giilang si Richard Gregorio, residenti sa maong lugar. Sa impormasyon gikan sa Police Station 3 nasuta nga naalarma ang mga silingan sa suspek human nga nagdala-dala kini ug kutsilyo samtang hubog gawas sa ilang panimalay.
Pagrespondi sa kapulisan nakahimo pag sibat ang suspek apan alas 8:00 sa gabie dihang malampusong nasikop ang nasangpit nga suspek. Nasayran nga nisuway pa ug Palag si Gregorio dihang siya gidakop.
Pag abot sa presento sa kapulisan iya panggibaharan ang mga pulis nga pamatyon higayon nga siya makagawas sa prisohan.
