SIMALA | Mañanita sa Birthday ni Maria!

Bisan pa man sa kadaghan og relihiyon sa atong kalibutan, kahibaw tang tanan nga usa ray atong gituohan, ug mao kini ang labawng’ makagagahum sa tanan nga gipanganak sa usa ka putli nga babaye nga ginganlan og Maria. Para sa mga Katoliko, motuo gyud ta nga sa atong pag-debosyon ngadto sa mga Santos, tabangan ta nila sa pag-ampo ngadto ni Hesus nga matuman na unta ang atong mga pangandoy ug hangyo ngadto sa Kahitas-an.

Base sa historikanhong mga dokumento, si Maria natawo sa Setyembre 8 20BC. Anak siya ni Omran, usa ka Zion nga propeta. Ang iyaan ni Maria maoy asawa ni Zachariah ug inahan ni Yahiya nga mga propeta pud sa Zion.

Usa sa mga sikat nga religious shrine sa Pilipinas mao ang shrine ni Mama Mary nga nahimutang sa Lindogon, Simala, Cebu ug gitawag ni siya nga “Birhen sa Simala Church”. Nahimutang ni siya sa habagatang bahin sa siyudad sa Sugbo. Ug aduna kiniy bana-bana nga usa ka oras ug tunga nga byahe kung mag-gikan ka sa siyudad.
Usa ka “Manyanita” ang pagahimoon sa kadlawn sa Setyembre 8 sa matag tuig alang sa pagsugat sa birthday ni Mama Mary didto mismo sulod sa Birhen sa Simala Church pinaagi sa paghalad og mga awit nga gitawag og “Marian Songs”, awit agi og pasalamat ug pangaliya.


Ug kaganihang kadlawn lang gyud, nasinati nako sa ikaduhang higayon ang pagsugat sa adlawng’ natawhan ni Mama Mary. Ug tuod man, liboan gyud ka mga taw’ ang nisaka sa bungtod sa Simala para lang bisitahon ang putling Inahan ni Hesus.

Sa dihang wa pa nagsugod ang Manyanita, adunay taas nga linya padulong ngadto sa imahe ni Maria sulod sa simbahan. Samtang naglinya ko, gi-anunsyo sa host nga mohalad si Jaime Rivera og usa ka awit tungod ug alang kang Maria nga iya kining personal nga gihimo para sa birthday ni Mama Mary.

Sa pagpadayon nako og linya, aduna koy nasugatan nga mga taw nga nagkupot og mga kandila nga adunay nagkadaiyang color. Sa dihang nagsugod na ang Manyanita, gisugdan kini og usa ka awit dungan sa pagbendita ug pagpasiga sa usa ka kandila nga gipasa-pasa dayon sa mga nagkalain-laing deboto ni Maria nga niresulta sa pagsiga sa liboan ka mga kandila nga nindot kaayong tan-awn sulod sa Birhen sa Simala Church.

Sa kadaghan sa mga taw, mas maayo nga dili nalang magdala og daghang mga butang kay ipabilin ra gihapon sa mga pulis ang inyong mga charger ug alcohol. Kung plano nimong mobisita sa buntag ug hapon, mas maayong magdala og payong, pandong ug tubig panagang sa grabeng kainit. Andama pud ang imong grabe nga pasensya sa grabe ka traffic nga dalan. Ug labaw sa tanan, kung mobisita ka, ayaw kalimot sa imong mga petitions ngadto kang Maria ug sa pag-greet kaniya og “Happy Birthday!”.

(Sinulat ni Dj Ali Matok)


Facebook Comments