Simbahang Katoliko pahugtan ang mga measures kontra Omicron variant

Davao City – Giplastar na karon sa Archdiocese of Davao ang pagpatuman pa sa mga istriktong protocols sa mga aktibidad sa simbahang katoliko tungod sa pagsutoy sa kaso sa COVID-19 sa nasud.

Sa interbyu sa DXDC RMN Davao kang Rev. Msgr. Paul Cuison, Archdiocese of Davao Vicar General, gitakdang magpagula si Davao Archbishop Romulo Valles og guidelines subay usab sa panawagan ni Presidente Rodrigo Duterte diha sa pagsuspende sa pagpahigayon og misa face to face lakip na ang traditional Traslacion procession ug misa sa itom nga Nazareno tungod sa hulga sa COVID-19.

Gibutyag ni Cuison, nagpadayon ang mga simbahan sa syudad sa pagpatuman sa minimum public health standard ug pagpatuman sa mga virtual masses.

Hinuon dinhi sa Davao sumala ni Msgr. Cuison, dili problema sa syudad ang dagkong crowd sa mga deboto atol sa “The Feast of the Black Nazarene” kung itandi sa ubang lugar sa nasud.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>