Simulation Exercise, gipahigayon sa PRO12

General Santos City— Napuno ug aksyon ang gipahigayon nga simulation exercices, crisis emergency exercise ug communication exercise sa kapulisan, inabagan sa Joint Task Force Gensan, Office Of The Civil Defense, SWAT, Bureau Of Fire Protection ug uban pa sa may buhisan compound sakop sa Brgy. Bawing ning dakbayan, alas otso ang takna sa buntag. Nahimong partisipante sa maong aktibidad ang mga nagpa-ilawom sa BISOC kon

Basic Internal Security Operation Course.
Sumala kang Police Senior Superintendent Johnson Almazan, Deputy Regional Director For Operation sa PRO 12 nga usa sa mga scenario mao ang sea-jacking.

Tumong niini mao ang ma-bansay ang mga estudyante sa BISOC sa mga posibleng mahitabo panahon sa unsa mang sitwasyon ug ma-apply ang ilahang natun-an.


Samtang gibutyag ni Broderick Train, ang Action Officer sa Provincial Disaster Risk Reduction And Management Office sa probinsya sa Antique nga aduna pay daghan nga kinahanglang i-improve hilabi na sa hisgutang himan sa pagpahigayon ug mga rescue operation.

Apan sa nahitabong aktibidad, nakita matud pa kung gi-unsa sa paggamit ang mga available resources gikan sa managlahing ahensya ug usa kini sa mga bentaha nga gihimo sa PRO 12.

Personal man usab siya nga gihangyo nga maoy magsupervise sa maong exercise aron masayran ang mga angayan nga himuon panahon nga adunay susamang insidente.

Facebook Comments