Pagadian City – Police Station sa Pagadian gisulong sa mga mga terorista, mga tawo sa sulod sa usa ka bus gihostage ug gihimong bihag, plaza luz gibombahan og nitakas ang mga terosista sakay ang pumpboat. Kini ang kalakip sa gihimo nga mga senaryo atol sa gilusad nga simulation exercise (SIMEX) sa ning dakbayan sa Pagadian.
Nasayran sa RMN Pagadian nga gisugdan ang nahisgutan nga kalihukan mga alas 7:00 kaganinang buntag diin nagkada-iya nga mga senaryo ang gi-respondehan sa mga sakop sa Pagadian City Police Office. Napuno sa aksyon ang maong kalihukan ilabina sa pagluwas sa mga hostages nga naa sa sulod sa bus og gidala sa oval ning syuidad.
Sumala pa kang Psupt. Benito Ricapuert nga gipahigayon kini aron nga masuta ang kahitsas sa mamahimong pagresponde sa mga tinugyanan sa balaod.
Unang gipatingog ang serin sa City Commercial Center (C3 Mall) og diha-diha nabati ang lanog nga pagbusikad nga gisundan sa pagsulod sa mga terorista sa Police Station apan napug-ngan kini sa otoridad.
Sa gipahigayon nga operasyon sa mga tinugyanan sa balaod, naluwas usab ang tanan nga mga bihag sulod sa bus og napatahan usab ang mga hostage takers sulod sa bus. Ang nahisgutan nga simulation exercise gipahigayon gumikan kay ang dakbayan sa Pagadian isip pagpangandam sa posibling pagpangatake sa mga teroristang grupo.
Gawas sa mga entrance ug exit point sa dakbayan gihugtan na usab ang seguridad sa mga og lakip na sa kadagatan.
