Simulation sa barangay vaccination sites, gipahugtan sa syudad ug DOH Region 10

16
PC: CIO

Gipahugtan karon sa lokal nga kagamhanan sa Cagayan de Oro ug Department of Health o DOH Region 10 ang gihimong simulation sa barangay vaccination sites isip pagpangandam kon ugaling masugdan na ang pagpamakuna sa komunidad.

 

Kini pinaagi sa City Health Office – COVID-19 immunization task group ug City Health Insurance Office – Data Management & Logistics task group.


 

Kagahapon, gihimo ang vaccination simulation sa West City Central School sa Barangay Carmen nga gitambongan sa mga personahe sa DOH, barangay ug kagamhanan ning syudad.

 

Kini ang ikalima nga dry run nga gipahigayon sa komunidad human natapos ang dry run sa Barangay Gusa, Bulua, Mambuaya ug Macasandig sa milabay’ng semana.

 

Samtang naka-iskedyul na usab ang Barangay Lumbia sa Abril 6, Bugo sa Abril 7, Canitoan sa Abril 7, Camaman-an sa Abril 8 , Cugman sa Abril 12, Macabalan sa Abril 12, Lapasan sa Abril 13, Iponan sa Abril 14, Tablon sa Abril 15 ug Kauswagan sa Abril 16.

 

Atol sa actual vaccination, adunay lima ka proseso nga agian sa mga magpabakuna nga naglakip na sa  Registration, Counselling, Screening, Vaccination ug Post-vaccination.



Facebook Comments