Simultaneous drug test sa mga driver sa van ug bus gipahigayon sa PDEA

General santos city— dunay tulo ka aktibidad ang pdea sa oplan undaspot nga random drug test sa mga driver sa van ug bus, una mao ang paggamit ug k9 unit aron sa pagsuta sa mga bagahe sa mga pasahero.

Ikaduha mao ang pagpahigayon ug random drug test sa mga driver. Sumala kang Kath Abad, tigpamaba sa PDEA 12 nga upat ka mga terminal sa rehiyon 12 ang ilahang gipahigayunan ug random drug test partikular na sa koronadal public terminal.
Tulo usab sa dakbayan sa Gensan nga gilangkuban sa bulaong terminal, ablog ug terminal padulong sa pagadian nga nahimutang sa gawas sa bulaong terminal.

Dugang pamahayag ni Abad nga mukabat sa usa ka gatos ka mga driver ang target sa maong random drugtest kung asa 30 niini ang gikan sa Koronadal ug 70 ang gikan sa Gensan.


Higayon matud pa nga magpositibo ang nga nahisgutan ilahang i-turn over ngadto sa lto ang mga isensya ug sila na maoy magdesisyon kung uns anga silot ang pahamtang.

Katulo matud pa sa undaspot mao ang pagdistribute sa mga flyers kabahin sa epekto sa illegal nga droga.

Kalabot niini gibutyag ni Abad nga dili mamahimong mubalibad ang mga driver higayon nga sila maoy mapilian sa mga agent sa pdea nga ipa-ilalom sa drug test.

Kini gumikan ilalom sa balaud sa lto, dili mamahimong mubalibad ang kinsa mang ipa-ilalom sa drug test ug mamahimong makumpiska ang ilahang mga lisensya.

Tumong matud pa sa maong random drug test aron nga ma-proteksyunan usab ang mga pasahero batok sa mga nakadroga nga mga driver.

Facebook Comments