SIMULTANEOUS OPERATION SA KAPULISAN, USA PATAY LIMA DAKPAN

71

General Santos City–Sunod –sunod nga mga operasyon ang gipahigayon sa mga presinto sa kapulisan sa Gensan og mga personahe sa Gensan City Police Office nga miresulta sa pagkasikop sa lima ka mga suspected drug personality lakip ang duha ka mga trabahante sa LGU-Gensan og pagkamatay sa usa ka suspek.


Naila ang mga LGU employee nga sila Agustine Gonzales- personahe sa City Treasurers Office ning syudad og usa ka nagpailang Michael Mahilum nga naka-assign sa CENRO Gensan.

Ang namatay nailang si Roderick Guipo taga Silway 7 Polomolok, South Cotabato.

Pahayag ni Norma Guipo inahan sa namatay nga si Roderick Guipo nga wala niya damha ang gidangatan sa iyang anak.

Giangkon sa inahan nga dugay nang wala nakauli sa ilang panimalay si Roderick apan wala sya masayod kung nahilambigit ba kini sa droga.

Giangkon usab sa inahan nga nahilambigit sa investment scheme nga NMC ang iyang anak uban ang kalive-in partner niini.

Samtang gikumpirma hinuon ni Kagawad Virgilio Guipo chairman sa Peace and Order sa Silway 7 og mismong uyuan sa namatay nga naapil sa listahan sa mga natokhang ang iyang pag-umangkon.




Giangkon usab niini nga wala kini makahuman sa CBRP kon Community Base Drug Rehabilitation Program.

Gibutyag pa sa uyuan nga dawat nila ang gidangatan sa iyang pag-umangkon tungod na usab sa gikalambigitan niini. Iyang giklaro nga wala ginatolerate sa ilang pamilya ang susamang gimbuhaton.(JB)

Facebook Comments