Gitataw sa Direktor sa Police Regional Office -7 Chief Supt. Debold Sinas nga way kamatooran nga adunay usa ka pulis nga apil ug namatay sa nahitabo nga ambush ngadto sa laing officer sa Philippine Drug Enforcement Agency nga si Von Rian Tecson.
Adunay mga ispikulasyon ning nangaging mga adlaw human sa pag-ambush ni Tecson nga adunay pulis nga nasamdan nga ginganlan ug SPO1 Roderick Balili , nga girescue pa sa iyang mga sakop ug gida sa South General Hospital ug pagkahuman gibalhin ug ospital sa dakbayan sa Sugbu.
Gipasabot ni Sinas nga si Balili nasamdan sa accidental firing didto sa Pinamungajan dayong alas 12:00 sa udto ug way kalabutan niini ang nahitabo kang Tecson .
Si Balili adunay duha ka mga kauban nga nag-surveillance sa Southern Cebu batok sa drug personality nga si Nilo Quirante.
Iyang gitataw nga managlahi nga insidente ang nahitabo tali ni Balili ug ni Tecson.
Si Balili giingong stable na ang kondisyon sa usa ka tambalanan.
