ILOILO – Bangod sa pagpangimon, isa ka lalaki sa Barangay Butuan, Balasan, Iloilo ginlabu ang iya pakaisa.
Ginlabu ni Archie Macario, 29 anyos ang iya pakaisa nga si Ronald Bacorayo, 31 anyos lunsay mga residente sang Barangay Butuan, BalasanIloilo, takna 12:02 kaina sang kaagahon.
Suno kay PChief Inspector Kenneth Panesa, nagapangimon si Archie kay Ronald sa rason nga mas palangga kuno sang iya iloy kag ginahatagan atensyon ang pakaisa nga si Ronald kon ikumpara sa iya.
Antes pa man sang insidente, may gutgot ukon daan na nga hiligut-anon ang duha.
Santu sa pahayag snag mga naka witness sa krimen, antes natabo ang insidente nakahambal na ang suspek nga, “sini nga gab-i may labu-on gid ako.”
Sang nahubog, ginhambalan si Archie sang pakaisa nga idul-ong niya ini sa iya tululugan apang sa wala mahibaluan nga rason, ginlabo niya ang iya pakaisa.
Pilas sa ulo, utod ang wala nga kamot, pilas sa kilid kag tiil ang naagum sang biktima nga si Ronald.
Suno kay PCI Panesa, naabtan pa nila sa lugar sang insidente ang biktima kag gindala ini sa ospital apang wala gid matabangan.
Gindeklara sang doktor nga patay ang biktima.
Pagkatapos sang insidente, gilayon man nga nagpalagyo ang suspek nga si Archie Macario.
Suno kay PCI Panesa, nagapayon subong ang ila hot pursuit operation kag may mga lugar na sila nga natumod nga posible padulungan sang suspek.
Photo from web
