Ilusad na karong hapon ang Sinulog 2018 nga salmotan sa 13 ka grupo gikan sa mga kolehiyo ug unibersidad dinhi sa dakbayan sa Sugbu .
Sa di pa ang ilang pagsayaw diha sa kadalanan , usa ka misa ang himoon sa Basilica del Sto Niño sa alas 1:00 sa hapon nga tambungan sa mga opisyal sa kagamhanan sa dakbayan sa Sugbu ug sa Sinulog Foundation Inc.
Human sa misa himoon ang 1.3 kilometros nga street parade paingon na sa Cebu City Sports Center.
Inay gamiton ang sound system nga mabati pinaagi sa maglumbay nga sound box diha sa kadalanan, live music ang gamiton karon o drum and bugle corps aron moduyog sa manayaw nga mga dance groups.
Ang kalihukan mao nay mobukas sa mga kalihukan sa ika-38 nga Sinulog dinhi sa Sugbu.
Facebook Comments
