SITG MUGNAON ARON MAGSUBAY SA IMBESTIGASYON SA PAGPABUSIKAD OG IED SA GENSAN

[image: 41795535_2137010989898615_7173575946828513280_n.jpg]
Giangkon karon ni Chief Superintendent Eliseo Rasco ang Regional Director sa Police Regional Office 12 nga magmugna ang kapolisan og usa ka special investigation task group nga motutok sa pagsulbad sa ied explosion sa National Highway Purok Malipayon Barangay Apopong ning siyudad gahapon bag-o mag udto.

Matod kay Chief Supt. Rasco nga otomatikong magmugna ang kapolisan nga kasusama sa gihimo sa nakalabayng insidente didto sa Isulan Sultan Kudarat.

Langkuban ang SITG sa mga investigating unit sa PNP sama sa Criminal Investigation and Detection Group, Regional Intelligence Division, Regional Crime Laboratory Office ug General Santos City Police Office.


Padayong gina-ila sa kapolisan ang bomb signature ug mga components sa nibusikad nga eksplosibo human sa gihimong post blast investigation.

Sa nahimong insidente walo ang nahimong samaron nga nakaangkon minor injuries.

Facebook Comments