Siyam ka tuig nga nagtago-tago sa kasong pagpanglugos, malampusong nadakpan

28

Norala, South Cotabato – Wala na makaikyas ang wanted sa Davao del Norte sa kasong rape nga nagtago-tago sulod sa siyam ka tuig human malampusong nadakpan sa mga kapolisan sa may Barangay Lapuz, Norala, South Cotabato.


Sa imbestigasyon sa kapolisan sa Norala, gipangunahan ni Police Major Bernie Faldas kauban ang Talaingod Municipal Police Station gipangunahan ni Police Captain Bryle Patalinghug ang pag-serve og warrant of arrest batok sa suspek nga si Ernesto Palijado, alyas Abo Palajido, 51 anyos, minyo og duck raiser nga nagpuyo sa Purok Dagohoy, Talaingod, Davao del Norte.

Bitbit sa mga pulis ang arrest warrant sa suspek nga si Palajido nga pirmado ni Judge Maria Susana Baua, Acting Presiding Judge sa RTC 11 Judicial Region Branch 2, Tagum City, Davao del Norte niadtong September 30, 2011.

Dugang impormasyon sa kapolisan, Top 4 nga most wanted person sa munisipyo sa Talaingod, Davao del Norte ang suspek nga gikustodiya sa presinto sa kapolisan sa Norala.

Human ang pipila ka oras, gitugyan na ang suspek ngadto sa Talaingod PNP.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation




[image: dakpan.jpg]

Facebook Comments