GENERAL SANTOS CITY- Siyam ka mga pakete sa gidudahang iligal nga drogang shabu ang narekober sa mga pulis sa Fatima dihang gilusad ang pag-implementa sa search warrant batok sa duha ka mga suspek sa managlahing lugar sa Barangay Fatima.
Giila ang mga suspek nga silang Norben Perez alyas Bentot, 35 anyos, pintor og minyo ug John Mark Novicio alyas Jopaks, 27 anyos laborer og minyo nga parehong residente sa Barangay Fatima.
Nakuha sa panimalay ni Perez sa 37ib, fatima ang upat ka pakete sa iligal nga drogang shabu samtang lima ka pakete sa samang kontrabando ang narekober sa panimalay ni Novicio sa Fvr Village, Fatima ang narekober.
Parehong mag-atubang og kasong pagsupak sa section 11 sa comprehensive dangerous drugs ang duha ka mga suspek nga nagpabiling gikustodiya sa presinto.
For more info’s and updates, like and share our official facebook account : www.facebook.com/ifm91.9Gensanofficial/
[image: DUHA DAKPAN.jpg]
