SK Kagawad naghikog sa T`boli, South Cotabato.

9

Wala na sang kabuhi sang nasapwan ang SK Kagawad sang Barangay Laconon, T`boli, South Cotabato nga nareport sa T`boli MPS alas 8:30 kahapon sang aga, Abril 7, 2021.
Ginkilala ang SK Kagawad kay Jeremy Khan Galaw, 22 –anyos kag residente sang Purok Sampan sa nasambit nga barangay.
Sa imbestigayon sang T`boli MPS alas 3:00 sang kaagahon sa amo nga adlaw ang tiya sang biktima nga si Emma Alam ang nagahimos nga mag-obra sang nasug-an niya gamit ang flashlight ang wala na sang kabuhi nga hinablos nga nagabitay sa puno sang rambutan gamit ang lubid.
Gindala pa sa Moorehouse Mission Hospital sa Brgy. Edwards ang biktima, apang gindeklarar ini nga patay sang attending physician.
Nagapati naman ang iloy sang biktima nga si Marieta Khan Galaw nga tungod sa depresyon ang rason sa pagkomitir sang suicide sang anak.
Pahayag naman ni Police Major Irish Hezron Parangan, Chief of Police sang T`boli MPS nga wala nila naestablisar kon ano ang kabangdanan nga nadepress ang biktima tungod wala man sang may nahibaluan ang pamilya suno pa.
Advice nya sa mga ginikanan nga kon may problema ang bata bisan magamay lang ang hatagan gid sang nagakaigo nga atensyon agud malikawan ang kapareho nga insidente tungod lain na ang batasan sang mga kabataan sa subong suno sa iya.

Facebook Comments