Human nilampos ang 19-anyos nga Cebuana sa pagsakmit sa Gold Medal sa Skateboarding Competition sa 2018 Asian Games sa Indonesia, gipasalig ni Cebu City Mayor Tomas Osmena nga motukod og Skate Park sa South Road Properties kon SRP.
Ang Skate Park dako og ikatabang alang sa mga aspiring athletes nga gustong musunod sa tunob ni Margielyn Arda Didal nga taga Brgy Lahug sa dakbayan sa Sugbo.
Kahinumduman nga human modaug si Didal sa Asian Games 2018, sa Skateboarding ,gibutyag niini ang iyang mapait nga kasinatian aron lang maka praktis taliwa sa ilang kakabus.
Gibutyag ni Didal nga sa karsada lang siya magpraktis ug kinahanglan pang modagan ug molikay sa mga polis nga mobadlong samtang siya nag praktis sa kadalanan tungod kay gidli man ang pag skateboard sa karsada sa dakbayan sa Sugbo.
Apan matud ni Didal nga wala kini makapaluya kaniya sa pag praktis ug mosalmot sa Skateboarding Competition.
Usa ka heroes welcome ang nagpaabot kang Didal sa pagpa uli niini sa Cebu City.
Moabot og 6-million pesos ang madawat ni Didal nga incentive gikan sa gobyerno tungod sa iyang kalampusan.
