South Cotabato—Patay ang driver sa single motor human kining gipusil alas 9:00 sa buntag kagahapong adlawa sa arellano-antipolo street, Boundary sa Barangay GPS ug Barangay Zone 2, Koronadal City
Giila ang namatay nga si Randy Salanga Muega, 30, minyo, residente sa Purok Kamya, Barangay New Pangasinan (Bo.4), Syudad sa Koronadal.
Subay sa pahayag sa testigo, sakay ang biktima sa iyang motorsiklo sa Arellano St, pag abot sa lugar, didto na kini gipusil sa suspek nga sakay sa usa ka Honda RS 125 nga single motor.
Paspas usab nga misibat ang suspek human sa krimen, samtang wala na madala pa sa ospital ang biktima human nga makabsan gilayon sa iyang kinabuhi ang nasangpit.
Sa karon padayon ang gihimong imbistigasyon sa kapulisan kalabutan sa insidenti.
