Smuggle nga sigarilyo naharang sa lungsod sa Kumalarang

Kumalarang, Zamboanga del Sur – Naharang sa Qurantine Control Point ang sakyanan nga gikargahan sa daghanang smuggle nga segarilyo partikyular didto sa Barangay Boyugan West, Kumalarang, Zamboanga del Sur alas 3:40 kagahapon sa hapon.
Wala makalusot sa mga kamot sa otoridad ang mga kontrabando nga gikarga sa Toyota Fortuner, color gray metallic, nga nagtangag sa Plaka numero SOD 694 ug gimaneho ni Arfical Gatinao Hajihil, 25-anyos, residente sa Villa Margarita San Roque, Zamboanga City kauban si Arvie Sabtal Maldepeña, 19-anyos, taga-Barangay Baliwasan syudad sa Zamboanga.
Nakumpiska gikan kanila ang 149 Astro cigarettes nga mokantidad sa 39,000 nga gipahiluna sa likod sa lingkoranan sa driver.
Dihang gipangitaan og mga dokumento pakyas sa pagtunol ug nasuta nga wala kini’y tax stamp, graphic health warning nga gipagawas sa BIR.
Ang nakumpiska nga mga butang ug behikulo kasamtangan nga anaa sa Kumalarang MPS samtang gihikay ang kaso.

Facebook Comments