Sobra sa 100 ka mga business permit ma-release sa City Licensing Office – Malaybalay kada adlaw!

22
Mukabat sa kapin 100 ka mga business permit ang ma-release sa Business Permit and Licensing Office (BPLO) ning siyudad sa Malaybalay kada adlaw.

Kini human gisugdan ang Business One Stop Shop adtong Lunes, Enero 3.

Sa interview sa RMN Malaybalay ngadto kang Arthuro Bebot Callao, ang city licensing officer gibutyag niini nga naka-andam na ang technical working group sa BOSS para sa mga gustong mo-apply ug business permit o kaha mo –renew.

Dali ra matud pa nga makuha ang business permit kung kompleto lang ang mga rekisitos.

Matud ni Callao nga istrikto usab nga gisunod ang minimum public health protocol sa mga mukuha sa business permit.

Dugang niya nga kada tuig nadugangan matud pa ang mga magpapatigyaon nga ilang mahatagan ug permit.



Niaging tuig, mukabat sa 5,994 ang ilang na-isyuhan sa business permit.

Ang rekisitos sa business permit mao nga para sa bag-ong aplikante, barangay clearance, occupancy permit, lease of contract kung nag-renta ug pwesto, ug proof of registration samtang sa renewal, barangay clearance ug income tax return 2019/income and financial statement lang ang gikinahanglan.

Facebook Comments