South Cotabato—Nanginahanglan ug mokabat sa 1,500 ka mga COVID-19 contact tracers ang SOCCKSARGEN. Kini ang gikabutyag ni DILG 12 Regional Director Josephine Leysa. Kalabutan niini, nagadawat na ug aplikasyon ang DILG 12 sa mga buot mamahimong contact tracer dungan sa pagtaas sa local transmission sa COVID-19 Cases sa rehiyon.
Matud kang Director Leysa kinahanglan ang mga aplikante adunay Bachelorās Degree kung asa mas maayo kung nakahuman ug nursing, o dili ba kaha undergraduate ug medical course. Kinahanglan usab nga ang Contact tracer ang adunay kasayuran sa data gathering ug research documentation, may kapasidad nga mag-interview sa COVID-19 cases ug close contacts para makuha ang travel history ug makapahigayon ug health assessment.
Punto ni Leysa nga importante sa mga contact tracer ang investigative capability. Apan gipaklaro niya nga dili requirement sa mga buot mahimong contact tracer ang eligibility tungod ipailawom man ang mga nasangpit sa training sa DILG ug l
Local Government Academy. Dugang pa ni RD Leysa nga ang mga contact tracer ang magasilbi nga myembro sa Contact Tracing Teams kon CCT sa sulod sa upat ka bulan.
Dugang niini, gawas sa mga contract of service personnel sa DILG nga wala na-renew ang kontrata tungod sa budget re-alignment gumikan sa COVID 19, prayoridad nila ang mga returning OFWs nga nawad-an ug trabaho, ingon man mga trabahante nga naterminate sa ilang mga kompanya, parent leaders sa 4Ps, apil na usab ang kanhi nilang mga volunteer.
Pagpaklaro pa sa opisyal nga ang gidaghanon sa contact tracer nga ibutang sa usa ka lugar ang nagadepende sa populasyon. Kalabutan niini, ang mga aplikante ang kinahanglan lamang nga magsubmitar ug letter of intent ug Personal Data Sheet kon Resume, Police Clearance sa mga nagahuwat ug NBI Clearance ug drug test result sa pinakaduol nga buhatan sa DILG.
