TACLOBAN CITY – Gumawas na an resulta han autopsy report tikang ha PNP Crime Laboratory ha pagkamatay ni Romela Segador, usa nga maestra ha Leyte National High School.
Kun diin nakit-an ini ha sakob han eskwelahan nga nakahigot an liog ngan waray na kinabuhi dida han Marso 4, adlaw han dominggo.
Kwestyunable an pagkamatay hini kay hubo-lubas hi Segador han makit-an han mga otoridad.
Pero yana, ha Eksklusibo nga interview han RMN kan PCInsp. Elmer Jabiñar, Tacloban PNP Station 2 Commander, nagawas ha resulta han autopsy report nga nagpakamatay gud hi teacher Romela.
“Waray foul play nga nakita basi ha autopsy report. Mayada didto nakabutang nga post mortem lividity, ini in kun an tawo in nauutdan hin ginhawa sugad hadto (kan teacher Romela) nga nakabitay man in most cases hito it iya dugo makadto ha ubos.”
Yana magigin klaro na ha ngatanan nga an nahinabo ha sakob han LNHS in suicide incident.
