SoCot Gov. Tamayo nagpahanumdom sa mga nagalagaw kon gab-i, tungod sa paandam sa gihapon sang COVID-19.

Ginadiscourage ni South Cotabato Governor Reynaldo S. Tamayo Jr. ang paglagaw kon gab-i sang mga pumuluyo sa mga lugar nga may madamo sang attraction ilabi na kon wala nagasuksok sang facemask.
Suno sa opisyal may mga lugar pa sa South Cotabato nga indi pa kontrolado ang COVID 19 pandemic kasubong na lang sa syudad sang Koronadal kag banwa sang Polomolok nga may mataas sa gihapon sang kaso sa nasambit nga balatian.
Ginhatagan pa punto ni Governor Tamayo nga maayo man kuntani ini bilang kabahin sang economic restart, apang yara sa gihapon ang paandam sang virus kag indi pa safe ang probinsya.
Ginkumpirmar ni Governor Tamayo nga sa subong ubos na ang testing kits sa probinsya rason nga nauntat man ang pagpapatigayon sang swab test bangud ginahulat pa ang pag-abot sini halin sa national government.

Facebook Comments