Kalibo, Aklan – Ginabaeay eon makaron it Evaluating Team nga ginakumpunihan
it taga Department of Social Welfare
and Development Provincial Office ro soeundanan para sa Search for the
Senior Citizen Friendly
Municipality sa probinsiya it Aklan.
Raya rong ging gasugtanan sa ging patigayon nga committee hearing it
Committee on Senior Citizens
Persons with Disabilities and Indigenous People ag Committee on Health and
Social Services ko Aklan
Sangguniang Panlalawigan, angot raya sa ordinansa sponsored ni Sangguniang
Panlalawigan member Jay
Tejada, An Ordinance Establishing The Search For The Senior Citizen
Friendly Municipality in Aklan.
Rayang soeundanan ro maging basihan it evaluating team sa pagpili it winner
nga banwa nga senior
citizen friendly.
Ro katuyuan kara suno kay SP Tejada, para nga maengganyo ro mga Local
Government Unit LGU nga
taw-an pa gid it igtaeopangod ro andang mga pumueoyong senior citizens
paagi sa mga programa para
kanda ag indi eamang nga pagbalewalaon.
Ro maging premyo sa nasambit nga paindis-dis igagastos sa mga project nga
para man sa senior citizens.
